Америкийн тагнуулын алба цаг агаар хүйтэрч эхлэхтэй зэрэгцэн Оросуудын зүгээс Украин руу довтлох аюул нэмэгдэж байна гж Европын холбоотнуудад дахин анхааруулсан талаар CBS телевиз мэдээлэв.
Оросын халдлага цаг агаараас шалтгаална. Гэхдээ барууны оролцоогүй бол долоо хоног дотор тохиолдож магадгүй гэж албаны хүмүүс CBS-д мэдэгджээ. Эх сурвалжууд Украинтай хиллэдэг хил дээрээ ОХУ саяхан нэмж цэрэг байршуулсан нь Оросын эрх баригчдын өмнөх үйлдэлтэй ижил төстэй байна хэмээн онцолжээ.
Мөн ОХУ-ын одоогийн тактик нь зүүн Украин дахь Донбасс руу довтлох бэлтгэл ажил байж магадгүй гэж АНУ-ын тагнуулын албаныхан анхааруулсан байна.
НАТО-гийн Ерөнхий нарийн бичгийн дарга Йенс Столтенберг Баасан гаригт Украинтай хиллэдэг хилийн ойролцоо Оросын цэргүүд ихэсч, ер бусын төвлөрөл үүсч байгааг эвслийнхэн анхааралтай ажиглаж байна гэж хэлснийг тус суваг сөхөн мэдээлжээ.
Тэрбээр Германы канцлер Ангела Меркельтэй уулзсаныхаа дараа “Орос улс цэргийн хүчээ нэмэгдүүлэх, хурцадмал байдлыг намжаах, хурцадмал байдлыг бууруулах талаар ил тод байдлыг харуулах нь зайлшгүй” хэмээн мэдэгдэж байсан юм.
Эх сурвалж: INTERFAX
