Эрүүл мэнд

Сүрьеэтэй байж болзошгүй 29 тохиолдыг илрүүлж хяналтад оруулжээ

Сонгинохайрхан дүүргийн ЕБС-ийн 1100 сурагч, 62 багш, ажилтанг хамруулсан Сүрьеэгийн эрт илрүүлэгийн үзлэг зохион байгууллаа.

Үзлэгийн үр дүнд сүрьеэтэй байж болзошгүй 29 тохиолдлыг илрүүлж, сорил тавих, баталгаажуулах шинжилгээг давхар хийж, нарийн мэргэжлийн эмч нарын үзлэг хяналтад оруулсан байна.

Сүрьеэгийн эмч Ц.Загиржав “Сүрьеэтэй байж болзошгүй гэж сонгон авсан хүүхдүүдэд сорил тавьж, шаардлагатай шинжилгээнүүдийг хийж байна. Шинжилгээний хариу гарсны дараа хийгдэх эмчилгээнүүдийг дүүргийн диспансертай хамтран хийхээр ажиллаж байна. Эрт илрүүлэх үзлэг хийснээр хүүхдийг сүрьеэгийн өвчлөлөөс урьдчилан сэргийлэх, өвдсөн тохиолдолд эрт илрүүлж, оношилох, эмчлэх, халдвар тархахаас урьдчилан сэргийлэх ач холбогдолтой юм” гэв.

Энэхүү сүрьеэгийн эрт илрүүлэх, хавьтлын шинжилгээ хийх үйл ажиллагааг цаашид  нийслэлийн хэмжээнд Ерөнхий Боловсролын сургуулийн сурагчдын дунд зохион байгуулах аж.

ХОЛБООТОЙ МЭДЭЭ

Back to top button
Close