Засгийн газрын зүгээс боловсруулах үйлдвэрүүдийг дэмжих бодлого хэрэгжүүлэхээр төлөвлөж байгаа аж. Тухайлбал, Ховд аймгийн арьс ширний цогцолборын бүтээн байгуулалтад 9.7 тэрбум төгрөгийг төсөвлөөд байгаа бол Дархан-Уул аймгийн арьс ширний цогцолбор ирэх жил Итали Улстай хамтран төсөл эхлүүлэх юм байна.
Мөн махны экспорттой холбоотой дөрвөн жишиг үйлдвэрийг Ховд, Булган, Архангай, Дорнод аймагт байгуулахаар төлөвлөжээ. Ингэснээр улирлын чанартай малын гаралтай түүхий эдийн экспорт жилийн турш үргэлжлэх боломж бүрдэх аж.
Одоогоор үйлдвэрийн ТЭЗҮ-г боловсруулаад дуусаад, гэрээ хэлцлийн ажлууд явагдаж байгаа юм байна. Төслийг БНХАУ-ын 76 сая ам.долларын хөнгөлөлттэй зээлээр эхлүүлэх бөгөөд захиалагч болон гүйцэтгэгч тал ойлголцож чадвал 2022 онд багтаан хэрэгжүүлэхээр тооцож байна гэсэн мэдээллийг өчигдөр ХХААХҮ-ийн яамнаас УИХ-ын гишүүдэд өглөө.
1 comment
нөөцлөж бна гээд ииш явөхгүй мөлаа ачаад үарах гэжбас ииш тийш зөөхгүй олон дамжлага болоод байхгүй ойр ойр аймагтаа ниилүүлээд мах нь ч цэвэр боловсорондоод ченж гэж гар дамжихгүй ард түмний гар дээр цэвэр үнэ багтай ирэх сайхан л юм даа