Монгол Улс БНХАУ-аас шатахуун импортлоно, үнийн зөрүү гарахгүй

ОХУ есдүгээр сарын 1 хүртэл АИ-95, АИ-98 шатахууны экспортоо зогсоох гэж байгаа тул Засгийн газар БНХАУ-ын Чайна Ойл компанитай хэлэлцээр хийж, хамтарч ажиллахаар болж байгаа аж. Улсын хэмжээнд АИ 95, АИ92, АИ98, дизель түлшний 30-аад хоногийн нөөцтэй байна. Улсын хэмжээнд нөөц байгаа учраас шатахууны тасалдал үүсэхгүй. Үүсэж болзошгүй хомсдлыг БНХАУ-аас татан нөхөхөөр хэлэлцэж байгаа.

Манай улсын хувьд жилд 60 гаруй мянган тонн газрын тосны бүтээгдэхүүн БНХАУ-аас авдаг. БНХАУ-аас авах газрын тос ОХУ-аас авах газрын тосны үнээс зөрүү бараг байхгүй. Хамгийн гол нь бид нөөцийг тасалдуулахгүй байхыг зорьж ажиллаж байна.

Мөн сүүлд орж ирсэн газрын тос 733 ам.доллар болж өссөн. Энэ нь өмнөх авснаасаа 38 ам.доллараар өссөн үнэ юм. Шатахуун импортлогч аж ахуйн нэгж, холбоодоос ажил хаях, цуглаан хийх талаар мэдэгдэл ирүүлээгүй гэж  АМГТГ-ын орлогч дарга Ц.Эрдэнэбаяр мэдэгдлээ.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн