Зуны XXXII олимпоос хүрэл медаль хүртэж Токиогийн тэнгэрт Төрийн далбаагаа мандуулсан Монгол Улсын гавьяат тамирчин, Хөдөлмөрийн баатар М.Уранцэцэгт МҮОХ-ны Ерөнхийлөгчийн үүрэг гүйцэтгэгч Ч.Наранбаатар, Тэргүүн дэд ерөнхийлөгч, ОУОХ-ны Гишүүн, “Токио-2020” Монголын багийн ахлагч Б.Баттүшиг, Ерөнхий нарийн бичгийн дарга Э.Бадар-Ууган нар хүндэтгэл үзүүлжээ.
МҮОХ-ны удирдлагууд “Токио-2020” Монголын баг тамирчдын анхны медалийг эх орондоо авчирсанд бахархан талархаж, цаашдын спортын замналд нь улам их амжилт гаргахыг хүсэн ерөөв.
