Замын-Үүд-Эрээний боомтын үйл ажиллагаа доголдож, бараа бүтээгдэхүүний ачаа эргэлт саатаад удаж байгаа. Ерөнхий сайд Л.Оюун-Эрдэнэ Замын-Үүдэд ажиллахдаа тус боомтод байрладаг Төрийн байгууллагуудын удирдлагуудыг авилгын хэрэгт буруутган цөөнгүй хүнийг саатуулсан. Замын-Үүдэд ажил сайжруулж, ачаа эргэлтийг нэмэгдүүлэхээр НМХГ-ын дарга Л.Эрдэнэчулууныг илгээсэн.
Мөн Замын-Үүдийг чиглэсэн автотээврийн урсгал хөдөлгөөнийг зохицуулахаар Ерөнхий сайдын зөвлөх болон ЗХЖШ-аас хүмүүс томилогдон ажиллаж байгаа. Мөн энд ЗХЖШ-ын даргын тушаалаар Зэвсэгт хүчний нэг анги 25 хүнээ техникийн хамт ажиллуулж байгаа гэнэ.
