Зөөвөрлөгдсөн 28 тохиолдлын 19 нь Энэтхэгээс ирсэн иргэдээс илэрчээ

Сүүлийн 24 цагт улсын хэмжээнд 10 мянга гаруй хүнд шинжилгээ хийхэд 1356 сорьцод коронавирус илэрлээ. Ингэснээр ний 35979 тохиолдол болж байна.

Шинээр илэрсэн тохиолдлуудыг задалбал:

Улаанбаатарт 1190, хөдөө орон нутагт 138 халдвар авсан байна. Зөөвөрлөгдсөн 28 тохиолдлоос халдвар илэрсэн байна. Зөөвөрлөгдсөн тохиолдлыг танилцуулбал, дөрөвдүгээр сарын 23-Сөүлийн транзит нислэгээр Энэтхэгээс ирсэн Монгол Улсын нэг иргэн, дөрөвдүгээр сарын 23-нд Казахстанаас ирсэн 8 иргэн, дөрөвдүгээр 26-нд Энэтхэгээс ирсэн 19 хүнээс коронавирусийн халдвар илэрчээ. Энэтхэгээс ирсэн иргэдийн 18 нь Дорноговьд, нэг нь Улаанбаатарт тусгаарлагдаж байгаа.

 

Л.Баяр