Европын холбоо Оросын COVID-19-ийн “Спутник V” вакциныг бүртгэн авахыг төдийлөн яарахгүй байгаа нь өрсөлдөөнөөс болгоомжилсных гэж Оросын Гамалейн нэрэмжит төвийн захирал Александр Гинцбург мэдэгджээ.
Евродпын холбоонд “Спутник V”-ийн хэрэглээ өндөр байх вий гэсэн болгоомжлолын үүднээс энэ бүртгэлийг зориудаар хойшлуулж байгаа гэжээ.
ДЭМБ-ын Европын бүсийн товчооны захирал Ханс Клюге гуравдугаар сарын 24-нд мэдэгдэхдээ Оросын коронавирусийн вакцин Европт мэдээж хэрэгтэй гэсэн аж. Тэрбээр Оросын бүтээсэн вакцинтай холбоотой эргэлзээг ойлгохгүй байгаа гэсэн юм.
Оросын Ерөнхийлөгч Владимир Путин ч “Спутник V” вакциныг хүлээн зөвшөөрөхгүй, санаатайгаар мэдээллийн дайралт хийж байгаа ч гадаадын орнуудад энэ вакциныг сонирхох нь нэмэгдсэн хэмээн гуравдугаар сарын 22-нд хэлж байсан аж.
Эх сурвалж: iz.ru
Орчуулсан Э.Март
