Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг ХӨСҮТ-ийн албаны дарга Ж.Байгалмаа танилцууллаа.
Гуравдугаар сарын 05-ны 11:00 цагт мэдээлэл хийснээс хойш сүүлийн 24 цагт ХӨСҮТ-ийн гурван, ЗӨСҮТ, ЗӨСҮТ –ийн хоёр авто лабораторид, Дархан, Сэлэнгэ аймгийн вирус судлалын лаборатори болон бусад лабораторид 13269 хүнд шинжилгээ хийсэн байна.
Ингээд 108 тохиолдол шинээр бүртгэгдлээ. Үүнээс 105 нь Улаанбаатар хотод бүртгэгдсэн байна.
Шинээр илэрсэн тохиолдлыг танилцуулбал,
-Гурав нь тусгай үүргийн онгоцоор ирсэн иргэдээс илэрчээ. Тодруулбал, Истанбулын онгоцоор ирсэн хоёр хүний давтан шинжилгээ, Нур-Султаны онгоцоор ирсэн хүнээс тус тус илэрчээ.
-Нийслэлд бүртгэгдсэн голомтоос 105 хүнээс коронавирус илэрчээ. Тодруулбал, 54 нь драмын театртай холбоотой. Тус театрын нэг жүжигчин халдвар авснаа мэдэхгүй хөдөө орон нутаг руу тоглолтод явсан. Ингээд урьдчилж драмын театртай холбоотой 119 хүнд шинжилгээ хийхэд 54 хүнээс нь коронавирус илэрсэн байна. Үлдсэн тохиолдлууд нь өмнөх батлагдсан тохиолдлын ойрын хавьтлаар тусгаарлаж, хяналтад байсан иргэдээс илэрчээ.
Сүүлийн нэг хоногт коронавирусийн халдвартай нэг иргэн нас барсан бөгөөд хавсарсан суурь өвчин нь нөлөөлсөн гэлээ.
Монгол Улсын нийт батлагдсан тохиолдол 3336 болсноос дотоодын халдварын тоо 2811 боллоо. ХӨСҮТ, Цэргийн төв эмнэлэг, Яармагийн эмнэлэг, Сэлэнгэ аймгийн эмнэлэгт нийтдээ 732 хүн эмчлэгдэж байна.
Биеийн байдлыг үнэлбэл:
- Маш хүнд 2
- Хүнд 3
- Хүндэвтэр 68
- Хөнгөн 659 хүн байна.
Сүүлийн 24 цагийн дотор 49 хүн эдгэрч эмнэлгээс гарсан бөгөөд нийт батлагдсан тохиолдол 3336 үүнээс эдгэрсэн 2,588 буюу 77,5 хувь байна.
Голомтод гарсан нийт тохиолдлууд:
–Улаанбаатар хотод батлагдсан тохиолдлын тоо нийт 2479 байна.
Халдвар авсан эрүүл мэндийн ажилтны тоо 99 боллоо.
- ХӨСҮТ-32
- Цэргийн төв эмнэлэг-17
- Сэлэнгэ аймагт-19
- Баянзүрх нэгдсэн эмнэлэгт-27
- Говьсүмбэр аймагт-2
- ХСҮТ-5 ажилтан өвчилж, тусгаарлагдан эмчлүүлж байна.
Дотоодын халдварыг танилцуулбал:
- Завхан аймагийн голомтод 2 тохиолдол байна.
- Сэлэнгэ аймгийн голомтын нийт 217тохиолдол байна.
- Дархан-Уул аймгийн голомт нийт 45тохиолдол байна.
- Орхон аймгийн голомт нийт 25тохиолдол байна.
- Дорноговь аймгийн нийт 32тохиолдол байна.
- Говьсүмбэр аймгийн голомт нийт 4тохиолдол байна.
- Архангай аймгийн голомтод нийт 3тохиолдол байна.
Л.Баяр
