Нийгэм

Буйр нуурын мөсөнд бага оврын ачааны болон суудлын автомашин цөмөрчээ

Буйр нуурын мөсөнд бага оврын ачааны болон суудлын автомашин цөмөрч, жолооч, зорчигчид машинаасаа амжиж гарсан байна.

Нуурын ус бохирдохоос сэргийлж Дорнод аймгийн Онцгой байдлын газрын Эрэн хайх, аврах анги, Халх гол сумын Онцгой байдлын ангийн хамтарсан 11 алба хаагчийн бүрэлдэхүүнтэй баг ажиллаж, автомашинуудыг татан гаргажээ. Тодруулбал, Онцгой байдлын шумбагчид наймаас есөн метрийн гүнд гурван удаагийн шумбалт хийж, автомашиныг оосорлосноор татан гаргасан гэв.

Цаг агаар дулаарч байгаа энэ үед гол, нуурын мөсөн дээгүүр зорчихгүй байх, шөнийн цагаар цацруулагчтай сэрэмжлүүлэх тэмдэг тэмдэглэгээг гол нуурын мөсөн дээр байршуулах, сэрэмжлүүлгийг сахин биелүүлээгүй иргэдэд хариуцлага тооцохыг аймгийн Онцгой комиссоос сумдын Засаг дарга нарт үүрэг болгосон байна.

6034a19ba2972 Буйр нуурын мөсөнд бага оврын ачааны болон суудлын автомашин цөмөрчээ

Б.Эрдэнэ

ХОЛБООТОЙ МЭДЭЭ

Back to top button
Close