Нийгэм

Сэлэнгэ аймаг Улаанбаатар хотоос 498 иргэнээ татан авчээ

Сэлэнгэ аймаг УОК-ын шийдвэрийн дагуу энэ сарын 22-26-ны өдрүүдэд Улаанбаатар хотоос PCR шинжилгээнд хамрагдсан 498 иргэнээ татан авчээ.

Мөн дээрх хугацаанд Сэлэнгэ аймгаас Улаанбаатар хотруу зорчих хүсэлт ирүүлсэн 218 иргэнийг буцаасан байна. Ингэхдээ Шадар сайдын 2020 оны арванхоёрдугаар сарын 14-ний өдөр шинэчлэн баталсан “Хот хоорондын зорчигч тээвэрлэлтийг зохион байгуулах түр журам”-ын хэрэгжилтийг хангуулан ажилласан гэж Аймгийн онцгой комиссоос мэдээллээ.

Нийтийн тээврээр зорчсон иргэдийн бүртгэлийг хөтөлж, тээвэрлэлт гүйцэтгэсэн 14 автобус, иргэдийн ачаа , гар тээшийг ЗӨСТ-өөс халдваргүйтгэл хийх явцад Мэргэжлийн хяналтын газраас хяналт тавин ажилласан байна.

Халдварын голомттой бүсээс аймагт очсон иргэд гэрийн тусгаарлалтад 14 хоног байж, халдвар хамгааллын дэглэмийг мөрдөх юм.

Л.Баяр

ХОЛБООТОЙ МЭДЭЭ

Back to top button
Close