Энэ жил Энэтхэг Монголын дипломат харилцаа тогтоосны 65 жилийн ой тохиож байна. Энэ хүрээнд Энэтхэгийн ЭСЯ-наас улсынхаа түүх, соёлын дурсгалыг харуулсан мөсөн байгууламжийг төв талбайд байгуулж байна.
Энэтхэгийн Таж Махалыг харуулсан жижигхэн байгууламж байгуулах бөгөөд төсөв мөнгийг Энэтхэгийн ЭСЯ-наас гаргаж байгаа гэнэ.
Мөсөн талбай байгуулах зөвшөөрлийг хотын өмнөх удирдлагуудаас Энэтхэгийн ЭСЯ авсан байна.
Бүх нийтийн хөл хорио тогтоосон энэ үед Төв талбайд мөсөн хотхон байгуулж, хотын төсвийг үргүй зарцуулж байна гэсэн шүүмжлэл цахим орчинд тархаад байгаа билээ.
Л.Баяр
