Улсын хэмжээнд хийгдсэн коронавируст халдвар илрүүлэх шинжилгээний хариуг ХӨСҮТ-ийн Тандалт, судалгааны албаны дарга А.Амбасэлмаа танилцууллаа.
Арванхоёрдугаар сарын 10-ны 11:00 цагт мэдээлэл хийснээс хойш сүүлийн 24 цагт 20,633 хүнд шинжилгээ хийсэн. Ингэхэд долоон хүний сорьцод коронавирусийн халдвар илэрлээ.
Сүүлийн 24 цагт эерэг гарсан шинэ тохиолдол :
-Улаанбаатар 6 шинэ тохиолдол илэрлээ. Эдгээр 6 хүний дөрөв нь өмнөх батлагдсан тохиолдлын ойрын хавьтлын давтан шинжилгээгээр илэрсэн. Харин хоёр нь Амгалан гаалийн газрын ажилтан болон хүү нь байна. Гаалийн газарт тандалтын зорилгоор хийсэн шинжилгээнээс халдвар илэрсэн.
Гаалийн ажилчны ойрын хавьтлын 50 хүний шинжилгээнд коронавирус илрээгүй байна. Үргэлжлүүлэн 114 хүнийг хоёрдогч хавьтлаар тогтоож, шинжилгээ тандалтыг хийж байна.
-Сэлэнгэ аймагт 1 шинэ тохиолдол илэрлээ.
24 цагийн хугацаанд Дархан-Уул, Орхон, Дорноговь, Говьсүмбэр, Архангай аймагт голомтлон гарч буй халдварын тохиолдол нэмэгдээгүй.
Голомтод гарсан нийт тохиолдлууд:
–Улаанбаатар хотод батлагдсан тохиолдлын тоо нийт 138 байна.
-Сэлэнгэ аймгийн голомтын нийт 208 тохиолдол байна.
–Дархан-Уул аймгийн голомт нийт 45 тохиолдол байна.
-Орхон аймгийн голомт нийт 25 тохиолдол байна.
-Дорноговь аймгийн нийт 31 тохиолдол байна.
-Говьсүмбэр аймгийн голомт нийт 4 тохиолдол байна.
-Архангай аймгийн голомтод нийт 3 тохиолдол байна.
Монгол Улсын нийт батлагдсан тохиолдол 905 болсноос 384 нь эдгэрч, ХӨСҮТ, Цэргийн төв эмнэлэг, Яармагийн эмнэлэгт нийтдээ 512 батлагдсан тохиолдол эмчлэгдэж байна. Биеийн байдлыг үнэлбэл маш хүнд нэг, хүнд 5, хүндэвтэр 76, хөнгөн 430 эмчлүүлж байна.
Л.Баяр
