Нийслэлийн Засаг даргын орлогч Д.Энхтөрөөр ахлуулсан ажлын хэсэг өнөөдөр (2017.06.13) хөдөлмөр эрхлэлтийн нийслэлийн зөвлөлийн анхны хуралдааныг хийлээ. Хуралдаанаар Нийслэлийн хөдөлмөр эрхлэлтийн газрын дарга П.Батхүлэг Хөдөлмөр эрхлэлтийн үндэсний зөвлөлөөөс баталсан төсөл хөтөлбөрүүдийг танилцуулав.
Хөтөлбөрт тусгаснаар Хөгжлийн бэрхшээлтэй 99 иргэнийг ажлын байраар хангаж, 13.300 иргэнийг ажилд зуучлах, идэвхитэй ажил хайгч 14.000 залууст ажил олгох, 60 иргэний бизнест дэмжлэг үзүүлэх зэрэгт нийт 58373 иргэнд нэг тэрбум 47 сая 300 мянган төгрөгийг энэ жил төсөвлөсөн байна. Төсөвт тусгасан эдгээр зардлын талаар ажлын хэсгийн гишүүд асуулт хариулт авсан юм.
