Хүчит шонхор зах дээр махны бөөний үнэ бага зэрэг буурчээ

Өнөөдрийн  12 цагийн байдлаар ШӨХТГ-аас 5 дүүргийн нутагт дэвсэрт байрлах зах, сүлжээ дэлгүүрүүд, Өвөрхангай аймагт хяналт шалгалт хийж байна.

1. Хүчит шонхор захад өглөөний 8:00 цагийн байдлаар жижиглэнгээр борлуулж байгаа үнийн тухайд хонины цул мах 7300-7800 төгрөг, хонины ястай мах 7000-7500 төгрөг, үхрийн цул мах 11000-12500 төгрөг, үхрийн ястай мах 8500-10500 төгрөг, адууны мах 8000-8500 төгрөг, ямааны мах 7000 төгрөгийн үнэтэй байна.

Бөөний үнийг өмнөх өдрийн үнэтэй харьцуулахад хонины мах 5800-6000 төгрөг болж 200-500 төгрөгөөр буурсан, үхрийн мах 7500-7800 төгрөг болж 200-300 төгрөгөөр буурсан, адууны мах 4500-6000 төгрөг болж 300-1300 төгрөгөөр буурсан, ямааны махны дээд үнэ 5000 төгрөг болж 500 төгрөгөөр нэмэгдсэн байна.

Жижиглэнгийн үнийг өмнөх өдрийн үнэтэй харьцуулахад үхрийн цул махны дээд үнэ 12500 төгрөг болж 500 төгрөгөөр нэмэгдсэн, үхрийн ястай мах 8500-10500 төгрөг болж 500 төгрөгөөр буурсан, хонины цул мах 7300-7800 төгрөг болж 200-500 төгрөгөөр буурсан, адууны махны доод үнэ 8000 төгрөг болж 500 төгрөгөөр буурсан, ямааны мах 7000 төгрөг болж 500 төгрөгөөр буурсан байна.

 Бусад зах, дэлгүүрийн мэдээлэл

Баянгол дүүрэгт байрлах Таван-Эрдэнэ зах, Хороолол зах, Барс-1, Барс-2 захууд тус тус хяналт шалгалтад хамрагдлаа. Хархорин зах хуваарийн дагуу амарч байна. Таван-Эрдэнэ захад худалдаалагдаж буй махны жижиглэнгийн үнийн хувьд хонины ястай мах 8500, хонины цул мах 8500, үхрийн ястай мах 10000, үхрийн цул мах 12500 төгрөгийн үнэтэй байна. Барс-2, Барс-1 захад худалдаалагдаж буй махны жижиглэнгийн үнийн хувьд хонины ястай мах 7500- 8500, хонины цул мах 8500, үхрийн ястай мах 9000-11000, үхрийн цул мах 12000-12500, адууны мах 8800-9000 төгрөгийн үнэтэй байна. Өмнөх өдрийн Барс-2 үхрийн ястай мах нь 300 төгрөгөөр буурсан, Барс-1 зах дээр хонины цул мах 1000 төгрөгөөр буурсан байна. Барс-1 дээр төмсний үнэ 100 төгрөгөөр, хятад сонгино 200 төгрөгөөр нэмэгдсэн. Хороолол захад худалдаалагдаж буй махны жижиглэнгийн үнийн хувьд хонины ястай мах 8000, хонины цул мах 8500, үхрийн ястай мах 10000, үхрийн цул мах 12500, адууны мах 9800 төгрөгийн үнэтэй байна. Тус дүүрэгт байрлах “Од-Аюур фарма” эмийн сан, “ОТ сан” эмийн сангуудад худалдаалагдаж буй нэг удаагийн амны хаалт 200-350, гар ариутгагч хэмжээнээс хамаарч 1500-11000, спирт 1000 төгрөгийн үнэтэй байна.

3. Сүхбаатар дүүрэгт байрлах “Сансар сүлжээ-32”-т, “Шинэ хүнс” бөөний төв, “Дарь эх” зах, “Мягмаргарав” хүнсний дэлгүүр тус тус хяналт шалгалтад хамрагдлаа. “Сансар сүлжээ-32”-т худалдаалагдаж буй махны үнийн хувьд хонины ястай мах 7800, хонины цул мах 10500, үхрийн ястай үхрийн цул мах 12500, адууны мах 10500-11000 төгрөгийн үнэтэй байна. “Алтан тариа” гурилны үнэ дээдийн дээд 2200, дээд 1460, 1-р зэрэг 1230, 2-р зэрэг 970 төгрөгийн үнэтэй байна.

4. Дарь эх захад худалдаалагдаж буй махны жижиглэнгийн үнийн хувьд хонины ястай мах 7500, хонины цул мах 9000, үхрийн ястай мах 9500, үхрийн цул мах 12000, адуу 8500 төгрөгийн үнэтэй байна. Чингэлтэй дүүрэгт байрлах “Дөрвөн шонхор” зах, “Оргилуун” хүнсний дэлгүүр, “Цахир-Ам” хүнсний дэлгүүр, “Шанд” мини маркет тус тус хяналт шалгалтад хамрагдлаа.

5. Дөрвөн шонхор захад зөвхөн ямааны мах худалдаалж байсан ба үнийн хувьд 7200 төгрөг байна. Жижиг хүнсний дэлгүүрүүдэд худалдаалагдаж буй хонины цул мах 8500 төгрөг, хүнсний ногооны үнийн хувьд монгол төмс 1 кг 1000, лууван 1кг 1300-1500, хятад сонгино 1кг 1600-2000, өндөг 400 төгрөг байна. Бусад өргөн хэрэглээний бараа бүтээгдэхүүний үнэ тогтвортой байна. Тус дүүрэг байрлах Тавин-Ус эмийн сан, Ачлал эмийн сан, нэг удаагийн амны хаалт 250-350, даавуун амны хаалт 800-2500, гар ариутгагч хэмжээнээс хамаарч 2500-12000, спирт 1400-2500 төгрөгийн үнэтэй байна. Баянзүрх дүүрэгт байрлах Амгалан зах хуваарийн дагуу амарч байна. Тус дүүрэгт байрлах Наран супермаркет, Оргил супермаркетад хяналт шалгалт хийж бна.

6. Сонгинохайрхан дүүрэгт байрлах Сэлэнгэ захад худалдаалагдаж буй махны жижиглэнгийн үнийн хувьд хонины ястай мах 6800-7000, хонины цул мах 9000, үхрийн ястай мах 9500, үхрийн цул мах 11000-12000, адуны мах 8000-8500 төгрөгийн үнэтэй байна. Махны жижиглэнгийн үнийг өмнөх өдрийн үнэтэй харьцуулахад хонины ястай мах 200-500 төгрөгөөр, адууны мах 500 төгрөгөөр тус тус буурсан байна. Хүнсний ногооны үнийн хувьд монгол төмс 1кг 800, лууван 1кг 1500, хятад сонгино 1кг 1800, өндөг 370-380 төгрөгийн үнэтэй байна. Тус дүүрэгт байрлах “Нобо-2” эмийн санд нэг удаагийн амны хаалт 350, даавуун амны хаалт 1500, гар ариутгагч хэмжээнээс хамаарч 1500-2800, спирт 2300 төгрөгийн үнэтэй байна.

7. Өвөрхангай аймгийн төвд байрлах “Орос чихэрийн бөөний төв”, “Онцгой” эмийн сан тус тус хяналт шалгалтад хамрагдлаа. “Орос чихэрийн бөөний төв”-д нэг удаагийн амны хаалтыг 500 төгрөгөөр худалдан борлуулж байсныг 400 төгрөг болгон бууруулж, үнийн мэдээлэл тодорхой тавигдаагүй байсныг анхааруулж зөрчлийг газар дээр нь арилгуулсан.

8. “Хэрэглэгчийн мэдээллийн төв”-д 2020 оны 11 дүгээр сарын 30-ны өдрийн 12 цагийн байдлаар 115 утсанд 26, чатботод 6, и-баримт апликэйшнээр 1 иргэн тус тус хандсан байна.

Шударга өрсөлдөөн, хэрэглэгчийн төлөө газар