Улс төр

Ерөнхий сайд У.Хүрэлсүх “Улаанбаатар төмөр зам” хувь нийлүүлсэн нийгэмлэгт ажиллалаа

Монгол Улсын Ерөнхий сайд У.Хүрэлсүх “Улаанбаатар төмөр зам” хувь нийлүүлсэн нийгэмлэгт ажиллалаа. Тэрээр Зорчигчийн вагон ашиглалтын депо, Хөдөлгөөний хяналтын төвөөр орсны дараа нийгэмлэгийн удирдлага, албан хаагчидтай уулзав. “УБТЗ” ХНН оны эхний 10 сарын байдлаар 24,8 сая тонн ачаа тээвэрлэсэн нь өнгөрсөн оны мөн үеэс 1,7 сая тонноор илүү байна.

aAM0ekPxlzJGjRfmhdG1 Ерөнхий сайд У.Хүрэлсүх “Улаанбаатар төмөр зам” хувь нийлүүлсэн нийгэмлэгт ажиллалаа

Мөн хугацаанд 1,9 сая зорчигч тээвэрлэсэн нь өнгөрсөн онтой харьцуулахад 580 орчим мянган хүнээр бага гэсэн статистик мэдээ гарчээ. Энэ нь “Ковид-19” цар тахлын улмаас олон улсын зорчигч тээврийн галт тэрэг үйлчилгээнд явахгүй байгаатай холбоотой юм.

Нийгэмлэгийн хамт олон газрын тос боловсруулах үйлдвэрийн 27 км төмөр замын дээд бүтцийн ажлыг гүйцэтгэж, Зүүнбаян-Тавантолгой чиглэлийн төмөр замын дээд бүтцийг барихад оролцон 88,5 км зам тавиад байна. Сүүлийн гурван жилд мөн 15 шинэ зүтгүүр, өртөөний замд сэлгээний ажил гүйцэтгэх гурван зүтгүүр аваад байгаа тухай Замын дарга Д.Жигжиднямаа танилцуулав.

123509969_3269185533179917_1732965983369782193_n Ерөнхий сайд У.Хүрэлсүх “Улаанбаатар төмөр зам” хувь нийлүүлсэн нийгэмлэгт ажиллалаа

МОНП-1, МОНП-2 зээлийн өрийн үлдэгдлийг шийдвэрлэх талаар ойрын хугацаанд Засгийн газрын хуралдаанаар хэлэлцэнэ гэдгээ Ерөнхий сайд хэллээ.

Цаашид  дотоодын аж ахуйн нэгж, байгууллагуудыг ачааны галт тэргээр эрх тэгш хангах, хөдөлмөр хамгаалал, аюулгүй ажиллагаа, хариуцлага, сахилга батаа сайжруулахыг чиглэл болголоо. Мөн Тавантолгой-Зүүнбаян, Тавантолгой-Гашуунсухайт, Зүүнбаян-Ханги  чиглэлийн төмөр замын дээд бүтцийн болон барилга, зураг төслийн ажлыг хугацаанд нь чанартай хийж дуусгах шаардлагатайг хэлэв.

123303074_394530418568429_6141804450594879881_n Ерөнхий сайд У.Хүрэлсүх “Улаанбаатар төмөр зам” хувь нийлүүлсэн нийгэмлэгт ажиллалаа

123526433_859001324905914_4443550412042965169_n Ерөнхий сайд У.Хүрэлсүх “Улаанбаатар төмөр зам” хувь нийлүүлсэн нийгэмлэгт ажиллалаа

Засгийн газрын Хэвлэл мэдээлэлтэй харилцах хэлтэс

ХОЛБООТОЙ МЭДЭЭ

Back to top button
Close