Нидерландад Ковид-19-ийн давтан тохиолдлоос үүдэлтэй нас баралт бүртгэгджээ. Цар тахлын хохирогч нь 89 настай нэгэн эмэгтэй болсон байна. Энэ эмэгтэй халдвар аваад эдгэрсэн ч дахин хоёр сарын дараа халдварт өртсөн байна. Биеийн байдал нь огцом муудаж, хоёр долоо хоногийн турш эмнэлэгт хэвтсэн боловч эмч нар түүнийг аварч чадаагүй байна.
Энэ бол өвчтөн коронавирусийн хоёр дахь удаагийн халдвар авч, нас барсан дэлхийн анхны тохиолдол юм. Хамгийн сүүлчийн мэдээллээр Бразилд коронавирусийн улмаас 150 мянга гаруй хүн өөд болсон бол Энэтхэгт халдварын тоо 7 саяыг давжээ.
