Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Х.Нямбаатар: 2021 оноос хөнгөн гэмт хэрэг үйлдсэн хүмүүст зорчих эрх хязгаарлах ял оногдуулна – updown.mn

Х.Нямбаатар: 2021 оноос хөнгөн гэмт хэрэг үйлдсэн хүмүүст зорчих эрх хязгаарлах ял оногдуулна

Хууль, зүй дотоод хэргийн сайд Х.Нямбаатар Засгийн газрын өнөөдрийн хуралдаанаар хэлэлцэж шийдвэрлэсэн зарим асуудлын талаар мэдээлэл өглөө.

Өнөөдрийн хуралдаанаар хөнгөн ялаар шийтгүүлсэн хүмүүсийг цахим хяналт хийх, техникийн тусламжтайгаар зорчих эрхийг хязгаарлаж, нийгэмшиж гэр бүлтэйгээ байх техникийн шийдэл бүхий тогтоолыг баталжээ. Тодруулбал, анх удаа, болгоомжгүйгээр хөнгөн гэмт хэрэг үйлдсэн хүмүүст хорих эсвэл зорчих эрх хязгаарлах ялыг оногдуулах бөгөөд 2021 оны нэгдүгээр сарын 1-нээс хэрэгжүүлж эхлэх юм байна.

Цахилгаан бугуйвч байршил тогтоох, явсан чиглэл тогтоох, зайны мэдээллийг агуулах бөгөөд хувь хүнтэй холбоотой өөр бусад мэдээллийг цуглуулахгүй. Мөн бугуйвчийг тайлах, таслахыг оролдвол зорчих эрх хязгаарлах ялыг хорих ял болгон өөрчилнө.

Олон жилийн дунджаар тооцоолоход 2021 оны эхний хагас жилд 1081 хүнийг энэ шийтгэлийг оногдуулах тооцоо гарсан байна. Ингэснээр хорих зардал багасах бөгөөд ойролцоогоор жилд гурван тэрбум төгрөгийг хэмнэх боломжтой гэдгийг ХЗДХ-ийн сайд Х.Нямбаатар хэллээ.

Ялыг хэрэгжүүлэхийн тулд цахилгаан бугуйвчийг худалдан авах бөгөөд худалдан авалтад онцгой анхаарч, хамгийн хямд үнэ бүхий саналыг өнөөдрийн ЗГ-ын хуралдаанд танилцуулжээ.

Дэлхийн 30 гаруй оронд энэхүү ялыг ногдуулдаг бөгөөд гэмт хэрэгт холбогдсон тохиолдолд ажил хийх, сурч боловсрох эрхийг нээлттэй байлгахаас гадна хорих ял эдлэхгүй байх нь засан хүмүүжүүлэх ач холбогдолтой гэнэ.

Тэрбээр “Кримнологи ач холбогдлын хувьд хүнийг хүмүүжүүлэх, хөдөлмөр эрхлэх, сурч боловсрох, гэр бүлээ тэжээх, засрал хүмүүжил олгодог, хорих зардлыг бууруулдаг гэж дэлхий нийт үздэг. Энэ ялын бас онцлог нь гэмт хэргийн улмаас нийтэд учирсан хохирлыг төлөх боломжийг олгох юм. 2015 онд батлагдсан хуулийн дагуу хэрэгжүүлэхээр бид бэлтгэл ажлаа хангаж байна. Ялыг Шүүхийн шийдвэр гүйцэтгэх газрын Хорихоос өөр төрлийн гэмт хэрэг хариуцах алба хариуцан ажиллана” гэв.

 

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн