Хүүхдийн баярт зориулан “Ид шидийн аялал” жүжгийг Монголын хүүхдийн ордонд хүүхэд багачуулд толилуулж байна. Энэ жүжгийг Нийслэлийн замын цагдаагийн газар болон Хот тохижилтын үйлчилгээний газрын ажилтнуудын хүүхдүүдэд үнэ төлбөргүй үзүүлж байгаа юм.
Тус ордонд Нийслэлийн Засаг дарга С.Батболд, Нийслэлийн Засаг даргын орлогч Д.Энхтөр зэрэг албаны хүмүүс зочилж хүүхдүүдэд мэндчилгээ дэвшүүллээ. Улаанбаатар хотын захирагч С.Батболд хэлэхдээ Сайн байцгаан уу хүүхдүүдээ. Та бүхэндээ хүүхдийн баярын мэндийн онцгойлон хүргэе. Өнөөдөр энэ баяраас хоцорсон нэг ч хүүхэд байхгүй гэдэгт би итгэлтэй байна.
Нийслэлийн есөн дүүрэг 152 хороонд энэ баярыг тэмдэглэж байгаа хэмээн онцлов. Мөн сурлага хөдөлмөр, авьяас билгээрээ манлайлагч хүүхдүүдэд гарын бэлэг гардуулсан билээ.
