Д.Эрдэнэбат тэргүүтэй долоон хүнд холбогдох хэргийн шүүх хурлыг дахин хойшлууллаа

УИХ-ын гишүүн асан Д.Эрдэнэбат тэргүүтэй долоон хүнд холбогдох хэргийн шүүх хурлыг наймдугаар сарын 24-н хүртэл хойшлууллаа.

Нийслэлийн прокурорын газраас яллах дүгнэлт үйлдэж ирүүлсэн шүүгдэгч Д. Эрдэнэбат , Б. Болор, Н. Золжаргал, Д. Ганбат Д. Доржханд, Б. Минжбадам, Л. Санжаадорж, нарын 7 хүнд холбогдох нийт 187 хавтас бүхий эрүүгийн хэргийг Сүхбаатар дүүргийн эрүүгийн хэргийн анхан шатны шүүх 2020 оны дөрөвдүгээр сарын 08-ны өдөр хүлээн авсан.

Шүүгдэгч нарт холбогдох эрүүгийн хэргийн шүүх хуралдаан Сүхбаатар дүүргийн эрүүгийн хэргийн анхан шатны шүүхэд 2020 оны наймдугаар сарын 17-ны өдрийн 10.00 цагт эхэлсэн ба шүүх хуралдааны явцад буюу 2020 оны наймдугаар сарын 21-ны өдөр шүүгдэгч Б.Минжбадамын биеийн эрүүл мэндийн байдалтай холбоотой хүндэтгэн үзэх шалтгааны улмаас шүүх хуралдааныг үргэлжлүүлэн явуулах боломжгүй нөхцөл байдал үүссэн байна.

Иймд хэргийн оролцогч нараас гаргасан хүсэлтийг харгалзан шүүх хуралдааныг завсарлуулж, 2020 оны наймдугаар сарын 24-ны өглөө 09.00 цагт үргэлжлүүлэн хэлэлцэхээр шийдвэрлэв.

Баянзүрх , Сүхбаатар, Чингэлтэй дүүргийн эрүүгийн хэргийн анхан шатны шүүхийн Тамгын газар