Амстердамын Улаан дэнлүүний гудамжныхан “ажлаа хийхдээ” үнсэлцэхгүй
Нидерландын Амстердам хот коронавирусийн хязгаарлалтын арга хэмжээний дараа секс салбарын үйл ажиллагаагаа сэргээж байна. Гуравдугаар сараас хойш хязгаарлалтад орсон энэ салбарынхан ажилдаа гарч болох ч секс ажилтнууд нь хэд хэдэн шаардлагыг сахих ёстой.
Тухайлбал, үйлчилгээний жагсаалтад үнсэлцэх зэрэг үйлчилгээг хасчээ. Хамгийн эртний мэргэжлийн зарим төлөөлөгчдийн хувьд эдгээр хориг нь үйлчлүүлэгчдэдээ үзүүлэх үйлчилгээгээ төрөлжүүлэх нэг шалтгаан болж байна.
Тухайлбал, Мона хэмээх биеэ үнэлэгч бүсгүй латекс бээлий, хэд хэдэн эмнэлгийн маск авчээ. Монагийн хувьд хөл хорионы үеэр орлогогүй байгаагүй гэнэ. Тэрбээр веб камераар үйлчилгээ үзүүлж байсан гэнэ.