COVID-19-ийн нөхцөл байдал сайжирмагц FATF-аас Монгол Улсад ирж үнэлгээ хийхээ мэдэгдсэн байна

COVID-19 цар тахалтай холбоотойгоор FATF Саарал жагсаалтад орсон орнуудын ээлжит үнэлгээг түр хойшлуулах шийдвэр гаргасан байсан ч Монгол болон Исланд улс хойшлуулахгүй байх хүсэлт тавьсан. Уг хүсэлтийг хүлээн авснаар манай улс тавдугаар сарын 11-нд ээлжит тайлангаа хүргүүлснийг FATF үнэлж, шинэчилсэн тайлангаа өчигдөр танилцуулжээ.

Ингэхдээ манай улсыг дараах таван гол шинэчлэлийг хийж чадсан гэж үзсэн байна.

Үүнд:

  1. Санхүүгийн бус бизнесийн салбарын эрсдэлд суурилсан хяналт, шалгалтыг сайжруулах замаар мөнгө угаах, терроризмыг санхүүжүүлэх эрсдлийг бууруулсан
  2. Мөнгө угаах олон төрлийн үйл ажиллагааг мөрдөн байцаах, ял шийтгэл оногдуулах нь нэмэгдэж байгаа
  3. Хуурамч, эх үүсвэр нь тодорхойгүй, хууль бус мөнгийг хориглох, хураан авах зэрэг үр дүнтэй арга хэмжээ авч буй нь харагдаж байгаа
  4. Хоригоос зайлсхийхээс сэргийлэх чиглэлд эрх баригч байгууллагуудын хамтын ажиллагаа, уялдаа холбоо сайжирсан
  5. Санхүүгийн бус салбар дахь санхүүгийн мэдээллийн системийг сайжруулах, хэрэглэгчээ таньж, хянах, хариуцлага тооцох болсон гэдгийг онцолжээ.

COVID-19-ийн нөхцөл байдал сайжирмагц FATF-аас Монгол Улсад ирж газар дээрх үнэлгээ хийхээ мэдэгдсэн байна.

2020 оны 02 сард авсан өндөржүүлсэн хяналтад орсон улс орнуудад дараах улс орнууд хэвээр байна гэдгийг ч мэдэгджээ.

Албани
Багам
Барбадос
Ботсван
Камбож
Гана
Ямайка
Маврикий
Мьянмар
Никарагуа
Пакистан
Панама
Сири
Уганда
Йемен
Зимбабве

Орчуулсан Э.МАРТ

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн