Жил бүрийн Дэлхийн хэвлэлийн эрх чөлөөний өдрөөр “Үнэний төлөө” шагналыг сэтгүүлчдэд олгодог. 12 дахь удаа олгож буй энэ шагналыг өдөр тутмын “Өнөөдөр” сонины Эрэн сурвалжлах, экологийн албаны дарга Г.Цолмонд олголоо. Шагналыг “Глоб интернэйшнл” төвийн тэргүүн Х.Наранжаргал гардуулав.
Монголын эрэн сурвалжлах сэтгүүл зүйн салбарт өөрийн гэсэн орон зайгаа хэдийнэ бий болгон, уншигчдын талархлыг хүлээсэн, тодорхой үр дүнд хүрсэн олон нийтлэл, сурвалжилга бэлтгэсээр яваа Г.Цолмон “Өнөөдөр” сонинд 2003 оноос хойш тасралтгүй 17 дахь жилдээ ажиллаж байгаа юм.