Улсын онцгой комиссын ээлжит хурал маргааш 12:00 цагаас болно. Хурлаар бүх шатны боловсролын байгууллагын үйл ажиллагааг есдүгээр сарын 1-нийг хүртэл эхлүүлэхгүй байх эсэх асуудлыг хэлэлцэхээр болжээ.
Өнгөрсөн долоо хоногт болсон Засгийн газрын ээлжит хуралдаанаар Ерөнхий сайд хичээл, сургалтын үйл ажиллагааг есдүгээр сарын 1-нийг хүртэл хичээллүүлэхгүй байх чиглэл өгсөн билээ. Энэ дагуу Боловсрол, соёл, шинжлэх ухаан спортын яамнаас хөл хориог сунгаж, өөр ямар байдлаар шийдвэрлэж болох талаар судалж байгаа гэдгийг салбарын сайд мэдээлсэн.
Улмаар тус УОК-ын хуралдаанаар сургалтын үйл ажиллагаанд тавьсан хөл хориог сунгах эсэх эцсийн шийдвэрийг гаргах юм.
