Монгол Улсад Коронавирусийн халдварын 12 тохиолдол бүртгэгдээд байгаа билээ. Тэгвэл өнөөдөр ХӨСҮТ-ээс “Ковид-19” вирусийн халдвараар өвчлөөд байсна хоёр хүн эдгэрч, эмнэлгээс гарах болсон талаар таатай мэдээллийг дуулгалаа.
Ийнхүү эмнэлгээс гарч байгаа иргэд нь гэртээ өөрийгөө тусгаарлах 14 хоног байх ёстой гэнэ.
ХӨСҮТ-ийн захирал Д.Нямхүү “Бидэнд эмчлэгдэж буй хүмүүсээс эхний хоёр хүнийг эмнэлгээс гаргахаар болсон. Сүүлийн гурав хоног таван зүйлийн сорьцонд вирус илрээгүй. Гэхдээ энэ хоёр хүн үргэлжлэн 14 хоног тусгаарлаж хянагдана.
Анхны батлагдсан тохиолдлын ойрын хавьтлын 59 хүнд 2020 оны гуравдугаар сарын 29-нд давтан шинжилгээ хийхэд коронавирус илрээгүй.
3 дугаар сарын 29-нд ХӨСҮТ болон Монгол Улсын хэмжээнд коронавирусийн сэжигтэй тохиолдол бүртгэгдээгүй” гэв.
