Өнөөдөр тусгай тоног төхөөрөмжүүдийг гардуулах ажиллагаа Эрүүл яаманд боллоо. Монгол Улсын Засгийн газрын нөөц хөрөнгө, Азийн Хөгжлийн банкны тусламжаар шинэ коронавируст халдварын хариу арга хэмжээнд ашиглах өндөр хүчин чадал бүхий орчин үеийн зөөврийн дижитал рентген аппарат, нэр бүхий найман хэрэгслээс бүрдсэн иж бүрэн хувийн хамгаалах хэрэгслийг Эрүүл мэндийн сайд Д.Сарангэрэл, ДЭМБ-ын Суурин төлөөлөгч Сергей Диордица болон ЭМЯ-ны удирдлагууд нийслэлийн найман дүүрэг, 10 аймгийн нэгдсэн эмнэлэг, төв эмнэлэг, тусгай мэргэжлийн, төвд хүлээлгэн өгөв.
Олон улсын байгууллагууд, Монгол Улсад суугаа Элчин сайдын яамд ийнхүү тусламжийн гараа сунгаж байгаад Эрүүл мэндийн сайд Д.Сарангэрэл талархал илэрхийлээд энэ нь ДЭМБ-ын тэргүүлдэг Эрүүл Мэндийн Кластерийн хурлын үр дүн болохыг тэмдэглэн хэлсэн юм.
