ЭМЯ: Орхон аймагт эмнэлэгт хандсан иргэнийг сэжигтэй тохиолдол гэж үзэхгүй

Орхон аймагт гарсан шинэ коронавирусийн сэжигтэй тохиолдлын талаар ЭМЯ-ны Нийгмийн эрүүл мэндийн газрын дарга Д.Нарангэрэл мэдээлэл өглөө.

Тэрбээр “Тухайн иргэний хувьд амьсгалын замын өвчний шинж тэмдэг илэрсэн учраас өөрөө өрхийн эмнэлэгтээ хандсан. Ингэхдээ Ухань хотоос энэ сарын 27-нд ирсэн гэх мэдээллийг өгсөн байна лээ. Гэхдээ 27-нд Ухань хотоос ирэх үндэслэл байхгүй. Учир нь 23-нд Ухань хот тусгаарлалт хийсэн. Тиймээс энэ тохиолдлыг сэжигтэй тохиолдол гэж үзэхгүй.

Өдөртөө 300 гаруй хүн БНХАУ-аас ирж байгаа ойрын өдрүүдэд тандалт шинжилгээ тогтмол хийж байгаа. Эдгээр иргэд маань Монголд ирснээсээ хойших 14 хоногийн хугацаанд биеэ хянаж, өвчлөлийн шинж тэмдэг илэрвэл эмнэлэгт хандах зөвлөмжийг дагана” гэв.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн