Халдашгүй байдлын дэд хороо Н.Номтойбаярын асуудлыг нээлттэй хэлэлцэх боломжгүй гэв

УИХ-ын гишүүн Н.Номтойбаярын бүрэн эрхийг түдгэлзүүлэх Улсын ерөнхий прокурорын санал УИХ дээр ирээд цөөнгүй хонож байна. Энэ асуудлаар УИХ-ын гишүүний Халдашгүй байдлын дэд хороо хуралдах ёстой ч таван гишүүний нэг нь гадаадад томилолттой яваа тул тодорхойгүй хугацаагаар хойшлогдоод байгаа.

Үүнээс гадна УИХ-ын гишүүн Н.Номтойбаяр асуудлыг Дэд хорооны хурлаар нээлттэй хэлэлцэх, хуулийн байгууллагын удирдлагуудыг оролцуулах хүсэлтийг тус дэд хорооны дарга, ХЗДХ-ийн сайд Ц.Нямдоржид гаргасан.

Харин Ц.Нямдорж “Н.Номтойбаяртай холбоотой асуудлыг энэ долоо хоногт шийднэ. УЕП-оос нууцын зэрэглэлтэй бичиг ирүүлсэн учраас Дэд хорооны хуралдааныг нээлттэй явуулах боломжгүй. Прокурорын бичигт

  1. Сайд байхдаа хийсэн ажилтай нь холбогдолтой
  2. Төрийн ордонд Г.Батхүү агсан нас барсан асуудалтай холбоотойгоор Н.Номтойбаяр худал мэдүүлэг өгсөн,
  3. Хэвлэлд мэдээлэл өгсөн гэдэг үндэслэлээр УЕП-оос санал ирүүлсэн гэлээ.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн