Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Агаарын дүүжин тээвэр, соронзон галт тэргийн төслийг 4-р сард эхлүүлнэ – updown.mn

Агаарын дүүжин тээвэр, соронзон галт тэргийн төслийг 4-р сард эхлүүлнэ

НЗДТГ-ын дарга, хотын Захирагч С.Амарсайхан ойрын хугацаанд төлөвлөж буй томоохон ажлаа холбогдох удирдлагууд болох ЗГХЭГ-ын дарга Э.Оюун-Эрдэнэ, Барилга хот байгуулалтын сайд Х.Баделхан, Зам тээврийн хөгжлийн сайд Б.Энх-Амгалан нарт танилцууллаа. Тэрээр танилцуулгадаа дараах мэдээллийг хүргэсэн юм.

2025 онд нийтийн тээврийн салбар бүрэн шинэчлэгдсэн байх болно. Агаарын дүүжин тээвэр болон соронзон галт тэргийн техник эдийн засгийн үнэлгээг хийж дууссан ба Францын Засгийн газрын хөнгөлөлттэй зээлийн санхүүжилтээр хийх уг төслийг Засгийн газар, Сангийн яам шийдвэрлэвэл энэ дөрөвдүгээр сард эхлүүлнэ.

Өдгөө дэлхийн олон оронд ашиглагдаж байгаа, Монгол орны цаг уурт тохиромжтой буюу -50, +50 граудаст ч ажиллагаатай агаарын дүүжин тээврийг нэвтрүүлнэ. Ингэхдээ;

  • Нийт 157 кабинтай
  • Нэг кабины багтаамж 8-10 хүн
  • Кабины хүлээлгийн хугацаа 3-5 минут
  • Цагт 3000 цаашлаад жилд 3,2 сая хүртэлх зорчигч тээвэрлэнэ
  • Нэг талдаа дээд тал нь 4 м/cек хурдтайгаар 16 минут зорчих нь одоогийн авто замын урсгалаас даруй дөрөв дахин илүү үзүүлэлт юм.

ЦАХИЛГААНЫ ЭХ ҮҮСВЭРЭЭР АЖИЛЛАХ ЗӨӨЛӨН ДУГУЙТ ТРАНВАЙ 

“МонРайл” буюу соронзон галт тэрэг нь нийслэлд 4 үндсэн чиглэлд явах ба нийт 35 буудалтай, 110 км замыг хамарна. Энэхүү тээвэр нэвтэрснээр Энхтайваны өргөн чөлөөний авто машины ачааллыг бууруулна.

  • Автозамын ачаалал 68 хүртэлх хувиар буурна
  • Өдөр тутам 210 мянган зорчигч үйлчлүүлнэ
  • Хүлээлгийн хугацаа 3-5 минут

Сурагчдын автобус одоогоор 5000 гаруй хүүхдэд үйлчилж байна. Сургуулийн автобусны тоог 200-аар дээшгүй тоогоор нэмэх төлөвлөгөөтэй, мөн сурагчдыг хүргэж өгдөг “хүүхэд хүргэлтийн такси” үйлчилгээг нэвтрүүлэхээр судалж байна.

Өдгөө цахилгаан 10 автобусыг оруулж ирэн туршиж байгаа аж. Мөн 2000 гаруй автобус шаардлагатай байгаа ба нийтийн тээврийн автобусны парк шинэчлэлийг 2020-2022 хүртэлх хугацаанд жил бүр 600-аар нэмэхээр төлөвлөж байна. 2025 онд авто замын түгжрэл буурч, нийтийн тээврийн салбар бүрэн шинэчлэгдсэн байх болно гэв.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн