Швейцарийн Лозанн хотноо Залуучуудын өвлийн олимпийн III наадам өнөө шөнө эхлэх гэж байна. ОУОХ-ноос зохион байгуулдаг тус наадмын түүх 2010 оноос эхтэй юм.
Тодруулбал, залуучуудын зуны олимпийн наадам 2010 онд Сингапурт, 2014 онд БНХАУ-ын Нанжинд, 2018 онд Аргентины Буэнос Айрес хотноо болж байсан бол Залуучуудын өвлийн олимпийн наадам 2012 онд Австрийн Инсбрукт, 2016 онд Норвегийн Лиллехаммер хотноо тус тус зохион байгуулагджээ. Залуучуудын олимпийнн наадамд 18 хүртэлх насны тамирчид оролцох эрхтэй байдаг байна.
Уг наадмыг “MNB спорт” суваг орон даяар шууд дамжуулах бөгөөд та бүхэнд дараахь цагийн хуваарийг хүргэж байна.
