Монгол Улсын Боловсрол, соёл, шинжлэх ухаан, спортын яам болон ЮНЕСКО-гийн дэргэдэх Уламжлалт спорт, тоглоом наадгайн олон улсын зөвлөлтэй хамтран санамж бичгийг үзэглэлээ.
Хоёр талууд Монголын уламжлалт спорт, тоглоом наадгайг хамгаалах, олон нийтэд түгээн дэлгэрүүлэх, сурталчлахад хамтран ажиллах тухай санамж бичигт тусгажээ.
Энэ хүрээнд уламжлалт спорт, тоглоом наадгайн хөгжлийн асуудлаар хамтарсан судалгаа, сурталчилгааны үйл ажиллагаа явуулж, тухайн асуудлаар зохион байгуулагдаж байгаа олон улсын хурал зөвлөгөөн, сургалтад асуудал эрхэлсэн төрийн сайд, Засгийн газрын төлөөлөгч, судлаач, мэргэжилтнүүдийг харилцан урих, мэдээлэл өгөх үүргийг харилцан хүлээв.
Мөн дээрх санамж бичигт Боловсрол, соёл, шинжлэх ухаан, спортын дэд сайд Г.Ганбаяр, ЮНЕСКО-гийн дэргэдэх Уламжлалт спорт, тоглоом наадгайн олон улсын зөвлөлийн Ерөнхийлөгч Халил Ахмед Хан нар гарын үсэг зурж, холбогдох албаныхан оролцлоо.
