Билгийн тооллын XVII жарны “Алтан унжлагат” хэмээх гал тахиа жилийн Хаврын тэргүүн сарын шинийн нэгний өглөө Монгол Улсын Ерөнхийлөгч Ц.Элбэгдорж, Ерөнхий сайд Ж.Эрдэнэбат, УИХ-ын дарга М.Энхболд нар Монгол түмний сүлд хийморийн билгэдэл Төрийн есөн хөлт цагаан туганд хүндэтгэл үзүүлж, Төрийн золголт хийлээ. Сар шинийн баярын шинийн нэгэнд Төрийн ёслол хүндэтгэлийн өргөөнөө Төрийн золголт болдог уламжлалтай. […]

Монгол Улсын Ерөнхийлөгч Ц.Элбэгдорж, УИХ-ын дарга М.Энхболд, Ерөнхий сайд Ж.Эрдэнэбат нар сар шинийн нэгэнд 08.00 цагт буюу морин цагт Төрийн их золголтыг эхлүүлэхээр болжээ. Дараа нь 08.30-09.30 цагийн хооронд ахмад буурлуудтай золгох юм байна.  Эл золголтод Монгол Улсын хамгийн өндөр настай ахмад буурлууд хүрэлцэн ирдэг юм.