Улаанбаатар хот үүсэн байгуулагдсаны 378 жилийн ой маргааш буюу энэ сарын 29-нд тохионо. Энэхүү ойг угтан Улаанбаатар хотын Захирагчийн ажлын алба, НЗДТГ-аас хэд хэдэн үйл ажиллагаа зохион байгуулахаар төлөвлөсөн байна. Тухайлбал, өнөөдөр Сөүлийн гудамжинд “Аз жаргалтай Улаанбаатар хот” чимэглэлийн баримал байрлуулахаас гадна Нийслэлийн Засаг даргын нэрэмжит Улаанбаатар хотын аварга шалгаруулах дартсын тэмцээн зохион байгуулах юм. […]

Сүхбаатар дүүргийн нутаг дэвсгэр буюу  УДЭТ-аас Төмөр замын удирдах газар хүртэл 2.9 км үргэлжилэх гудамжийг “Сөүлийн гудамж” хэмээн нэрлэдэг. Циркийн уулзвараас  Сөүлийн гудамжтай огтлолцон Наран плазагийн уулзвар хүртэл энэ хэсгийг замыг автомашингүй “Шөнийн гудамж” болгох юм байна. Урьдчилсан байдлаар долоо хоногийн баасан гариг бүрт 22:00 цагаас  замын хөдөлгөөнийг хязгаарлахаар төлөвлөжээ.