Баянзүрх дүүргийн Жуковын хөшөөний ард 6000 ам метр талбайд цэцэрлэгт хүрээлэн байгуулах шийдвэр гарч, тохижилтын ажил 15 хувийн гүйцэтгэлтэйгээр үргэлжилж байна. Ирэх хавар ашиглалтад оруулах төлөвлөгөөтэй.

Азербайжаны Баку хотод болсон сүмо бөхийн дэлхийн аваргад Монгол тамирчин Г.Гэгээн залуучуудын ангилалд түрүүлж, дэлхийн аварга боллоо.

Нийслэлийн өрхийн эрүүл мэндийн төвүүд томуугийн дэгдэлт нэмэгдэж байгаатай холбогдуулан амралтын өдрүүдэд ажиллаж, зорилтот бүлгийн хүүхдийг вакцинд хамруулахаар төлөвлөжээ.

Илон Маск Теслагийн нисдэг чадвартай шинэ Roadster спорт автомашиныг танилцуулж, уг бүтээлийг Тесла болон SpaceX-ийн хамтын ажиллагааны үр дүн гэж тодорхойлов. Машины үйлдвэрлэл 2028 онд эхлэхээр төлөвлөгдсөн байна.

Хөгжлийн бэрхшээлтэй иргэдийн тэтгэвэр 11 дүгээр сарын 1-нээс 26 хувиар нэмэгдэж, 600 мянган төгрөг болохоор боллоо. Асаргааны тэтгэмж 12 хувиар өсөж, 370 мянган төгрөгт хүрэх юм.

УИХ Тамхины хяналтын тухай хуульд нэмэлт, өөрчлөлт оруулж, тамхины хэрэглээг бууруулах, амт, үнэрт хязгаарлалт тогтоох зохицуулалтыг баталлаа.

2026 оны төсвийн тодотголын дагуу 435 мянган ахмадын тэтгэврийг арваннэгдүгээр сараас 100,000-300,000 төгрөгөөр нэмэхээр боллоо. Суурь тэтгэвэр өссөнөөр дундаж тэтгэвэр 1.2 сая төгрөгт хүрнэ.

УИХ-ын гишүүн Ч.Лодойсамбуу 2027 оны төсвийн хэлэлцүүлгийн үеэр төрийн байгууллагуудын хэвлэл мэдээллийн зардлыг хасах санал гаргахаа мэдэгдлээ. Тэрбээр төрийн байгууллагуудын хэвлэл мэдээллийн болон сурталчилгааны зардлыг төсвөөс хасах ажлыг дэмжиж байна.

2026 оны есдүгээр сарын эцсийн байдлаар Монгол Улсын нийт зээлийн үлдэгдэл 49.6 их наяд төгрөгт хүрч, иргэдийн чанаргүй зээлийн үлдэгдэл 1.2 их наяд төгрөг болсон тухай Үндэсний Статистикийн Хороо мэдээллээ.

Тээврийн салбарт ажиллаж буй иргэд өндөр зээлтэй ажиллан хүнд нөхцөлд байгаа талаар Тээвэрчдийн гэр бүл, гэргий нарын холбооноос дэмжлэг, төрийн хяналтын санал тавив.