Нийслэлийн хөрөнгө оруулалтаар Чингэлтэй дүүргийн 37 дугаар сургуулийн усан бассейнтай спорт заалны бүтээн байгуулалт 80 гаруй хувийн гүйцэтгэлтэй үргэлжилж байна. Төслийн гүйцэтгэгчээр "Люмос Максима" ХХК ажиллаж байна.

Авлигатай тэмцэх газар гаалийн албан тушаалтнуудын авлигын 15 хэргийг мөрдөн шалгаж, 11 хэргийг шүүхэд шилжүүлэн шийдвэрлэжээ. Хахууль авах, өгөх гэмт хэрэгт холбогдсон албан тушаалтнуудад ял оноосон байна.

Шатахууны хомсдол үүссэнтэй холбоотойгоор цахим орчинд хуурамч зар мэдээлэл тарааж, мөнгө залилан авах тохиолдол нэмэгдэж байна. Цагдаагийн байгууллага иргэдийг сэрэмжтэй байхыг анхаарууллаа.

Засгийн газрын ээлжит бус хуралдаанаар хиймэл оюун хөгжүүлэлт, цөлжилтийн судалгааны дүн болон COP17 хурлын бэлтгэл ажил хэлэлцэгдлээ. Судалгаагаар нийт газар нутгийн 81.9 хувь нь цөлжилтөд өртсөн нь тогтоогдсон байна.

Шатахууны нийлүүлэлтийг тогтворжуулах шуурхай штаб өдөр бүр мэдээлэл хийж, ОХУ, БНСУ, Казахстан зэрэг улсаас шатахуун импортлох гэрээ, хэлэлцээ үргэлжилж байгааг Аж үйлдвэр, эрдэс баялгийн яам болон Гадаад харилцааны яам мэдээлэв.

Улсын гуравдугаар төв эмнэлэг Эрүүл мэндийн ажилтны өдрийг "Гүйцэтгэл–Бүтээмж–Үр дүн" уриан дор тэмдэглэж, 2026 оны эхний хагас жилийн ажлаа дүгнэжээ. Тус эмнэлэг Монгол Улсад анх удаа PFA технологийг нэвтрүүлж, олон улсын хамтын ажиллагаатайгаар 101 мэс засал хийсэн байна.

Дүүжин замын тээврийн төслийн барилга угсралтын ажил 2025 оны гуравдугаар сарын 1-нд эхэлж, одоогоор 84 хувийн гүйцэтгэлтэй үргэлжилж байна.

Нийслэлийн Сүхбаатар дүүргийн Ихбаян орчимд баавгай ойртож ирсэн тул иргэд уулнаас бууж, тухайн бүс нутгаас холдохыг анхааруулж байна.