2025 оны 12-р сарын 12-нд нутгийн өмнөд хэсгээр цас орж, ихэнх нутгаар хүйтний эрч чангарна. Цаг уурын байгууллагаас зам даваа гүвээнд халтиргаа гулгаа ихсэхийг анхаарууллаа.

Шинэ жилийн баяр дөхөж, нийслэлийн авто замуудын ачаалал нэмэгдсэнтэй холбоотойгоор зам тээврийн ослоос үүссэн түгжрэлийг хэвийн болгоход цагдаагийн биет зохицуулагчид дунджаар нэг цаг гаруй ажиллаж байна.

БНСУ-аас Монгол Улсад суугаа Элчин сайдын яам 2025 оны 12 дугаар сарын 15-наас эхлэн виз мэдүүлэх хугацаа богиносох, эмчилгээний визийг зөвхөн Солонгосын Виз Мэдүүлгийн Төвд мэдүүлэх зэрэг шинэ арга хэмжээг хэрэгжүүлэхээр болсныг мэдэгдэв.

Э.Сэргэлэнбаатар өөрийн хүсэлтээр чөлөөлөгдөж, түүний оронд хурандаа М.Мөнхболд Эрүүгийн цагдаагийн албаны даргаар томилогдсон байна. Мөн Эдийн засгийн гэмт хэрэгтэй тэмцэх газрын даргаар Б.Мягмарсүрэнг томилжээ.

Яармаг, Арцат-Өнөр хороолол чиглэлийн дүүжин замын тээврийн төслийн барилга угсралт өвлийн нөхцөлд тусгай аргачлалаар үргэлжилж, нийт гүйцэтгэл 40 хувьтай байна.

Засгийн газар Гашуунсухайт боомтын авто тээврийн зохион байгуулалтыг сайжруулж, нүүрсний экспортыг нэмэгдүүлэх шийдвэр гаргалаа. Одоогийн байдлаар хоногт дунджаар 1400 автомашин нэвтэрч, оны эхний 11 сард 41.2 сая тонн нүүрс экспортолсон байна.

"One Championship" холбооны аварга Б.Энх-Оргилын амжилтыг үнэлэн хоёр өрөө байр бэлэглэжээ. Тус холбоо 2026 оны тулаануудаа төлөвлөж байна.

Баян-Өлгий аймагт Алтай Таванбогдоос улаан номонд орсон цоохор ирвэс агнасан хэргийг цагдаагийн байгууллага илрүүлж, хоёр хүнийг яллагдагчаар татжээ.

Нийслэлд зогсоолын хүрэлцээ муу байгаагаас автомашин замын 1-р эгнээнд байрлаж, хөдөлгөөнд ачаалал үүсгэж байна. Зогсоол нэмэх ажлыг эрчимжүүлэх шаардлагатайг албаныхан онцолжээ.

Цас орж, хүйтний эрч чангарч байгаатай холбогдуулан Шадар сайд Х.Ганхуяг 21 аймгийн удирдлагад шуурхай хуралдаан хийж үүрэг чиглэл өглөө.