Улаанбаатар хотын ууган Данбадаржайлин хийдийг хуучин дүр төрхөөр нь сэргээн засварлаж, шашин, соёлын цогцолбор болгон тохижуулах ажил эхэллээ. Төслийн хүрээнд хийдийн орчныг хамгаалж, аялал жуулчлалыг хөгжүүлэхээр төлөвлөж байна.

Нийслэлийн есөн дүүргийн цэвэрлэгээ хариуцсан компаниуд нийтийн эзэмшлийн цасыг цэвэрлэж байгаа ч НЗДТГ-аас ААН, байгууллагуудад ойр орчмын 50 метр талбайгаа цэвэрлэхийг уриалж байна. Иргэдэд халтиргаатай замд анхааралтай алхахыг зөвлөжээ.

Хонконгийн Тай По дүүргийн Ван Фук орон сууцны хотхонд гарсан гал түймэрт 44 хүн нас барж, 270 гаруй хүн сураггүй байна. Галын шалтгааныг тодруулахаар ажиллаж байна.

Physical Asia шоуны Австралийн багийн оролцогч Доминик Ди Томассо Монголд ирж, Солонгосын багийн оролцогч Чан Ыншилтэй хамт уулзжээ.

Монгол, БНХАУ малын гаралтай түүхий эд боловсруулах салбарт дэвшилтэт технологи нэвтрүүлэх, лаборатори байгуулах, хүний нөөц бэлтгэх чиглэлээр хамтран ажиллахаар тохиролцов.

ШУА-ийн академич Аюурын Дулмаа шинжлэх ухаан, боловсролын салбарт оруулсан хувь нэмрийг нь үнэлэн Монгол Улсын Хөдөлмөрийн баатар цол хүртлээ.

Монгол Улсын начин Ө.Батзул агсны эхнэр Т.Оюунбаяр 2024 оны 7 дугаар сарын 30-ны өдөр болсон зам тээврийн ослын талаар шүүхийн шийдвэрийн талаарх мэдээллийг олон нийтэд ил тод хүргэлээ.