Тасалбарын төв уртасгасан цагаар ажиллаж байна

Дарханы чиглэлийн зам засвартай холбоотойгоор УБТЗ-ын “Улаанбаатар” өртөөнөөс хойд чиглэлд өдөрт дөрвөн удаагийн галт тэрэг, мөн рэйлбус үргэлжлэн явж байна.

Үүнтэй холбоотойгоор зорчигчдын хөдөлгөөн ихэсч, мөн УБТЗ-ын зорчигч тээврийн ачаалал нэмэгдсэн байна. Тиймээс зорчигчдод хүртээмжтэй үйлчлэх үүднээс “Улаанбаатар” өртөөний тасалбар үйлчилгээний төв өдөр бүр 06:00-22:00 цагийн хооронд уртасгасан цагийн хуваариар ажиллаж байна.