2026 оны өвлийн Монгол хэл бичгийн болон элсэлтийн шалгалтын бүртгэл эхэлнэ

2026 оны өвлийн монгол хэл бичгийн болон элсэлтийн шалгалтын бүртгэл орон даяар, Улаанбаатар хотын цагаар 2026 оны арваннэгдүгээр сарын 1-ний 09:00 цагт эхэлж, арваннэгдүгээр сарын 23-ны өдрийн 18:00 цагт дуусна. Бүртгэл https://eyesh.eec.mn/ цахим хуудсаар явагдаж байна.

Шалгуулагч бүртгэлдээ зөвхөн өөрийн и-мэйл хаягийг ашиглах бөгөөд бүртгэлийн дугаар, нууц үг нь бүртгүүлсэн и-мэйл хаяг руу илгээгдэх болно. Мөн 3х4 хэмжээтэй цээж зургийг файлаар оруулах бөгөөд шаардлага хангаагүй зураг өгсөн тохиолдолд устгана.

Монгол хэл бичиг, монгол хэл, англи хэл, орос хэл, математик, физик, хими, биологи, газар зүй, түүх, нийгэм судлал гэсэн хичээлүүдээс хоёр буюу түүнээс дээшийг сонгон бүртгүүлэх шаардлагатай.

Монгол хэл бичгийн болон элсэлтийн шалгалтын нэг хичээлийн хураамж 20,000 төгрөг тогтоогдсон байна. Бүртгэл хийх явцад шалгалтын хичээлийг сонгон хураамжаа төлсөн байх шаардлагатай бөгөөд төлбөргүй бүртгэл баталгаажихгүй.

Хөгжлийн онцлогтой иргэн шалгалтад бүртгүүлсэн тохиолдолд холбогдох бичиг баримтууд, жишээ нь өргөдөл болон эмчийн магадалгаа-г бүртгэлийн хугацаанд Боловсролын Үнэлгээний Төвд ирүүлэх хэрэгтэй.

Өвлийн шалгалтад 2026 онд болон түүнээс өмнө бүрэн дунд боловсрол болон түүнээс дээш боловсрол эзэмшсэн иргэд хамрах юм.