Монгол Улсад гадаадын хөрөнгө оруулалтын урсгалыг 2028 он гэхэд 5.5 тэрбум ам.долларт хүргэнэ

Монгол Улсын Шадар сайд Т.Доржханд “Хөрөнгө оруулалтыг татах, хадгалах, дэмжих цогц үйл ажиллагааг хэрэгжүүлэх ажлын төлөвлөгөө”-ний төслийг Засгийн газрын хуралдаанд танилцууллаа.

2026-2028 онд хэрэгжих тус төлөвлөгөөний үндсэн зорилго нь Монгол Улсад гадаадын шууд хөрөнгө оруулалтын урсгалыг тогтвортой нэмэгдүүлж, хадгалах явдал юм. Тухайлбал, 2028 он гэхэд гадаадын хөрөнгө оруулалтын жилд орох урсгалыг 5.5 тэрбум ам.долларт хүргэхээр төлөвлөжээ.

Т.Доржханд эдийн засгийн тогтвортой өсөлтийг хангах, бүтээмж, өрсөлдөх чадварыг нэмэгдүүлэх, мөн шинэ технологи, мэдлэг, инновацийн нэвтрүүлэлтийг дэмжихэд гадаад, дотоодын хөрөнгө оруулалт чухал үүрэгтэйг онцлов.

Ажлын төлөвлөгөөг таван чиглэлээр боловсруулсан байна: эхлээд хөрөнгө оруулалтын таатай эрх зүйн орчныг бүрдүүлэх; дараа нь гадаадын хөрөнгө оруулалт татах тогтолцоог хөгжүүлэх; институтийн чадавхи болон хүний нөөцийг бэхжүүлэх; гадаадын хөрөнгө оруулагчдын гомдлын шийдвэрлэх системийг сайжруулах; мөн хөрөнгө оруулагчдыг хадгалах (aftercare) тогтолцоог бий болгох юм.

Төлөвлөгөөг Эдийн засаг, хөгжлийн яам, Гадаад харилцааны яам, Сангийн яам, Цахим хөгжил, инновац, харилцаа холбооны яам хамтран хэрэгжүүлэхээр зохион байгуулжээ.