“Нийслэлийн Орон сууцны корпораци” нь Нийслэлийн зорилтот бүлгийн иргэдийг “Буянт-Ухаа 2” 972 айлын түрээсийн орон сууцанд хамруулах бүртгэлийн үйл ажиллагааг 2019 оны 07 дугаар сарын 22-ны өдрөөс 08 дугаар сарын 05-ны өдрийг хүртэл 14 хоногийн хугацаатайгаар цахим хэлбэрээр зохион байгуулж дууслаа.
Цахим бүртгэлд нийт 35,003 иргэн хамрагдаж хүсэлтээ баталгаажуулсан байна. Сонгон шалгаруулалтын тусгай комисс бүртгэлүүдийг шалгаж, шалгуурт тэнцсэн иргэдийн нэмэлт мэдээллийг эх хувиар авах юм. Одоогоор сонгон шалгаруулалтын тов тодорхойгүй байна.
