Кофе уухад анхаарах таван зөвлөмж

Кофе нь өдөр тутмын хэрэглээ болсон бүтээгдэхүүн бөгөөд Монголд кофены хэрэглээ нэмэгдэж байна. Олон хүн ажилдаа ирэх эсвэл гарахдаа кофе уудаг болсон нь кофены хэрэглээний түвшинг харуулж байна. Кофе уух нь сайн болон муу талтай бөгөөд олон хүн кофе уух уу, цай уух уу гэж бодож байгаагаас гадна кофег сонгох үндсэн шалтгаан нь кофеинд агуулагдах кофеин бодис юм.

Кофеин нь хүний тархины судсыг өргөсгөж, ажиллах чадварыг нэмэгдүүлдэг бөгөөд амьсгал, зүрхний үйл ажиллагааг цочроох нөлөөтэй. 1950-иад онд кофе уух нь хүний биед сайн гэж үздэг байсан бол 1960, 1970-аад онд зүрхэнд муу нөлөөтэй гэж үзэх болсон. Харвардын их сургуулийн эрүүл мэндийн институтээс 28 жилийн турш хийсэн судалгаагаар кофе хүний биед шууд муу нөлөө үзүүлдэг гэдгийг тогтоож чадаагүй боловч кофены хэрэглээг тохируулж уухыг зөвлөжээ.

Өдөрт 2-3 аяга кофе уух нь хүний биед ашигтай бөгөөд хамгийн үр дүнтэй цаг нь өглөөний цагаар уух гэж үздэг. Хэт их кофе уух нь сөрөг нөлөөтэй байж болзошгүй. Монголчууд ихэвчлэн өглөө өлөн үедээ кофе ихээр уудаг бөгөөд Анагаах ухааны доктор, профессор Д.Даваадоржоос кофе уухын биед үзүүлэх нөлөөний талаар зөвлөгөө авсан юм.