Улсын начин Б.Сосорбарам барилдааны маргааны талаар байр сууриа илэрхийллээ

Улсын начин Б.Сосорбарам Улсын арслан Р.Пүрэвдавгатай барилдсан барилдааны талаар байр сууриа илэрхийллээ. Тэрбээр, Өмнөговь аймгийн Манлай сумын харьяат, БНМАУ-ын арслан Г.Дэмүүлийн нэрэмжит наадмын сорилго барилдаанд тавын даваанд МУ-ын арслан Р.Пүрэвдавгатай барилдах явцад барьц байрлал, барилдааны тэмцэл өрнөж байсан гэж тэмдэглэв. Б.Сосорбарам хэлэхдээ, “Бидний дунд ямар нэгэн маргалдах зүйл болоогүй. Би арслантай Алдар спорт хороонд хамт ажиллаж байгаа хүний хувьд өргөдөл гомдол гаргасан зүйлгүй” гэв. Мөн үндэсний их баяр наадам болох гэж байгаа энэ үед Монголын Үндэсний Бөхийн Холбоо болон Ёс зүй, сахилга хариуцлагын зөвлөл энэхүү шийдвэрээ эргэн харахыг хүсэж байгаагаа илэрхийллээ.