2026 оны нэгдүгээр улирлын НӨАТ-ын буцаан олголтыг дөрөвдүгээр сарын 27-ноос шилжүүлнэ

Монголын татварын албанаас 2026 оны нэгдүгээр улирлын Нэмэгдсэн өртгийн албан татварын (НӨАТ) буцаан олголтыг дөрөвдүгээр сарын 27-ноос иргэдэд шилжүүлж эхлэхээр болсныг мэдээллээ. Өмнөх оны гүйцэтгэлийн мэдээллээр, 2025 оны дөрөвдүгээр улирлын НӨАТ-ын буцаан олголтоор нийт 1 сая 377 мянга 396 иргэнд 112 тэрбум төгрөгийг олгосон байна. Иргэд буцаан олголтоо авахын тулд худалдан авалтын баримтаа бүрэн, цаг тухайд нь цахим системд бүртгүүлэх шаардлагатай бөгөөд хугацаа алдаж бүртгүүлээгүй тохиолдолд буцаан олголтод хамрагдах боломжгүй болохыг татварын байгууллагаас анхааруулж байна. Тиймээс иргэн бүр худалдан авалт хийхдээ баримтаа авч, цахим системд бүртгүүлснээр буцаан олголтоо алдалгүй авах боломжтой юм.