Хэнтийд орон нутгийн замд автобус, автомашин мөргөлдөж зургаан хүн нас баржээ

Хэнтий аймгийн Жаргалтхаан сумын 1 дүгээр багийн Дуутын даваа орчимд орон нутгийн замд Hyundai маркийн автобус, Toyota маркийн тээврийн хэрэгсэл мөргөлдсөн зам тээврийн ноцтой осол 16:50 цагт гарсан байна.

Ослын газар цагдаагийн байгууллагаас шуурхай бүрэлдэхүүн илгээж, үзлэг шалгалтын ажиллагааг зохион байгуулж байна.

Уг ослын улмаас зургаан хүн амь насаа алдаж, бусад зорчигчдод эмнэлгийн тусламж үзүүлэх, ослын шалтгаан нөхцлийг тогтоох ажил үргэлжилж байна.