Малын индексжүүлсэн даатгалын онцлог, үйл ажиллагаа

Малын индексжүүлсэн даатгал нь малчдын амьжиргааны эх үүсвэр болсон мал сүргийг байгаль, цаг уурын эрс тэс нөхцөл болон гэнэтийн гамшгаас үүдэлтэй хохирлоос урьдчилан сэргийлэх зорилготой даатгал юм.

Энэхүү даатгал нь мал сүргийг даатгадаг бөгөөд малчны эрсдэлийн даатгалтай ялгаатай. Малчны эрсдэлийн даатгал хийлгэсэн ч малын индексжүүлсэн даатгалаас нөхөн төлбөр авах боломжгүй бөгөөд энэ хоёр даатгалын үйл ажиллагаа хоорондоо ялгаатай гэдгийг ойлгох шаардлагатай.

Малын индексжүүлсэн даатгал нь малчин өөрийн хүсэлтээр, сайн судалсны үндсэн дээр сонгон даатгуулдаг бөгөөд албан журмын даатгал биш юм. Даатгалын нөхөн төлбөр нь тухайн орон нутгийн нийт малын хорогдлын хувь хэмжээнээс хамааран тооцогддог бөгөөд малчин даатгуулсан малын үнэлгээний хэмжээнд тохируулан олгогдоно.

Жишээ нь, 1000 хонио нэг төлөгний үнээр даатгуулсан малчин тухайн бүс нутгийн нийт малын хорогдлын босго үзүүлэлт давсан тохиолдолд нөхөн төлбөр авна. Гэхдээ нөхөн төлбөр нь даатгуулсан үнэлгээний хэмжээнд хязгаарлагдана. Даатгал нь малчны хохирлыг бүрэн нөхөхгүй ч тодорхой санхүүгийн хамгаалалт болдог.

Малын индексжүүлсэн даатгал нь жил бүрийн 1 дүгээр сарын 1-нээс 6 дугаар сарын 30 хүртэл үргэлжилдэг бөгөөд энэ жил хуулийн нэмэлт өөрчлөлтөөс шалтгаалан 3 дугаар сараас 8 дугаар сар хүртэл борлуулалт явагдаж байна.

Энэхүү даатгалын үйлчилгээг Миг даатгал ХХК, Бодь даатгал ХХК, Хаан даатгал ХХК, Монгол даатгал ХХК, Ард даатгал ХХК, Практикал ХХК зэрэг зургаан компани, мөн Төрийн банк болон Хаан банкаар дамжуулан хийж байна.

Даатгал нь эрсдэлээс урьдчилан сэргийлэх болон санхүүгийн хамгаалалт болдог тул малчид өөрийн эрдэнэт сүргээ даатгуулах эсэхийг судалж, сонгох нь чухал юм.