Монгол Улсын гадаад валютын нөөц 7.2 тэрбум ам.долларт хүрэв
2026-04-03 17:301min
2024 оны эхний улирлын эцэст Монгол Улсын гадаад валютын нөөц 7,187.8 сая ам.долларт хүрч, валютын төлбөртэй импорт болон гадаад өр төлбөрийг хангах түвшинд байна.
Монгол Улсын гадаад валютын нөөцийн хэмжээ 2024 оны нэгдүгээр улирлын эцэст 7,187.8 сая ам.долларт хүрсэн бөгөөд энэ нь оны эхнээс 182.5 сая ам.доллароор нэмэгдсэн байна.
Валютын нөөц нь валютын төлбөртэй барааны импортын 8.4 сарын хэрэгцээг, бараа, үйлчилгээний импортын 5.6 сарын хэрэгцээг, мөн богино хугацаат гадаад өр төлбөрийн 275 хувийг хангах хэмжээтэй байгаа юм.
Энэхүү үзүүлэлт нь олон улсын стандартын дагуу валютын нөөцийн хүрэлцээний шаардлагыг хангаж байгааг Монголбанкны зүгээс мэдээлжээ.