Хэнтий аймгийн 8 хүн БНСУ-д шуудангийн хүргэлтийн хайрцаг ухаж, хэрэг гаргалаа
Хэнтий аймгийн нэр бүхий сумын сургуулийн захирал тэргүүтэй 8 хүн БНСУ-д албаны шугамаар зорчиж, Сөүл хотод байр түрээслэн амьдарч байхдаа орон сууцны гадаа байсан Солонгос иргэдийн шуудангийн хүргэлтийн хайрцаг буюу “тэкбэ”-г ухаж, хэрэгтэй зүйлсийг нь авсан хэрэг тус дүүргийн цагдаагийн газарт бүртгэгджээ.
Тэдний үйлдлийг Солонгос иргэд гайхаж, “цэцэг” биш шуудангийн хүргэлт болохыг хэлсэн байна. Монгол иргэд шөнийн 3 цаг орчим тэкбэг ухаж, өглөө нь Монгол руу буцсан тул саатуулж чадаагүй бөгөөд дахин БНСУ-д нэвтэрвэл арга хэмжээ авах талаар мэдүүлэг авсан байна.
Цагдаагийн газраас байр түрээслэсэн иргэнийг дуудаж, мэдүүлэг авсан бөгөөд тэд ухаж байхдаа ойролцоох цэцэрлэгт бие зассан тухай мэдээлэл ч гарчээ. Цагдаа нар “Солонгост хаа сайгүй камер байдаг” гэж анхааруулсан байна.
Гадаад улсад аялахдаа хариуцлагатай байхыг гадаадад амьдардаг Монгол иргэд байнга сануулдаг ч ийм хэрэг гарсанд харамсаж буйгаа илэрхийлжээ.