Хэрх өвчин ба урьдчилан сэргийлэх арга хэмжээ

Сүүлийн үед хэрх өвчнөөр өвчлөх хүний тоо нэмэгдэж байгаа бөгөөд энэ өвчин бүрэн эдгэрдэггүй, аюултай өвчний ангилалд ордог байна. Улсын I төв эмнэлгийн хэрх үений эмч А.Хөлгөнгийн тайлбарласнаар, хэрх өвчин гэдэг нь олон төрлийн өвчнийг багтаасан ерөнхий нэршил юм. Энэ өвчний гол шалтгаан нь дархлаа тогтолцооны алдагдал бөгөөд дархлаа нь өөрийн эд эрхтнийг гадны биет гэж андуурч гэмтээдэг. Хэрх өвчин нь дархлаа, яс, булчин, үе мөч зэрэг олон эрхтэн тогтолцоог хамарч болно. Хоолойны үрэвсэлт өвчин, ялангуяа стрептококк бактери нь хүүхдийн дархлааны системд нөлөөлж, зүрхний хавхлагад гэмтэл үүсгэдэг бөгөөд энэ нь хэрхийн чичрүүдэс өвчний нэг төрөл юм. Ахимаг насныханд элэгдлийн үений өвчин зонхилдог ба энэ нь үений бүтэц, шингэний өөрчлөлттэй холбоотойгоор үүсдэг. Монгол Улсад зонхилон тохиолддог хэрх өвчнүүдэд ревматойд артрит, тулай, тогтолцооны улаан яршил, нуруу барьцалдах өвчин зэрэг багтдаг. Эдгээр өвчнүүд нь халдварлахгүй бөгөөд ихэнх нь нөхөн үржихүйн насны эмэгтэйчүүдэд давамгайлдаг. Монголд хэрхийн өвчний оношлогоо сайжирч байгаа ч мэргэжлийн эмчийн хүрэлцээ хязгаарлагдмал байна. Хэрхийн эмгэгүүдийг бүрэн эдгээх боломжгүй ч мэргэжлийн хяналтад эмчилгээ хийлгэвэл өвчнийг намжуулж болдог. Урьдчилан сэргийлэхэд биеийн жинг зохистой барих, дасгал хөдөлгөөн хийх, бэртэл гэмтлээс сэргийлэх, архи согтууруулах ундааны хэрэглээг хязгаарлах, халдвар авахгүй байх зэрэг арга хэмжээ хэрэгтэй.