“Spice Girls” хамтлагийн 30 жилийн ойн аялан тоглолт цуцлагдлаа

“Spice Girls” хамтлаг 30 жилийн ойгоо тэмдэглэн аялан тоглолт хийхээр төлөвлөж байсан ч энэ үйл ажиллагаа цуцлагдсан талаар “The Sun” хэвлэл мэдээллээ.

Хамтлагийн гишүүн Мел С Австралийн “KIIS Radio”-д өгсөн ярилцлагадаа дахин нэгдэлт болохгүй гэдгийг хэлсэн бөгөөд ирээдүйд боломж гарвал дахин нэгдэх магадлалтай гэдгийг дурдсан байна.

Жери гишүүн өнгөрсөн оны дөрөвдүгээр сард хамтлагийн менежер асан Саймон Фуллертэй гэрээ хэлэлцээр хийхээр оролдсон бөгөөд ойн баярыг тэмдэглэх талаар идэвхтэй хэлэлцэж байсныг Мел С энэ оны нэгдүгээр сард баталсан юм.

Викториа гишүүн өнгөрсөн аравдугаар сард хийсэн мэдэгдэлдээ аялан тоглолтод оролцох боломжгүй байгаагаа илэрхийлж, ажилтай учраас оролцох эсэх нь тодорхойгүй байгааг хэлжээ. Тэрбээр хамтлагийн гишүүд “Sphere” цэнгэлдэхэд дахин нэгдэх санааг дэмжиж байгаагаа илэрхийлсэн ч дуулалтын чадварын хувьд эргэлзэж байгаагаа дурдсан байна.